యోగులు సాగిన మార్గమిది

యోగులు సాగిన మార్గమిది
లోకములేలిన దుర్గమిది

శాశ్వత శాంతుల స్వర్గమిది
భగవాధ్వజ ఛాయలలో మాయని భరతావని దిగ్విజయమిది


రాయికి రప్పకి చెట్టుకి చేమకి చరాచారమ్ములకన్నిటికి
నతమస్తకమౌ నతులు సలుపు పరమోన్నతమౌ ఘన సంస్కృతిది
వినయము విద్యాభూషణములు కల విమల మనస్కుల వీడు ఇది
దురహంకారము దరి చేరని మహనీయ జీవనుల మార్గమిది 

|| యోగులు ||

సరళ జీవనము విరళ చింతనము అవిరళ సరళి గణించినది
ఆద్యంతములకు అటు నిటు నిలిచి ఆనందము పరికించినది
గీతా జ్యోతిని ఒసగి చేతముల చేయూతగా నడిపించినది
అజ్ఞానమునకు అందని ద్రష్ఠలు కాంచిన కాంచన స్వప్నమిది  

|| యోగులు ||

కాలుడు రేపిన చీకటి ధూళి రక్కసి మూకల కర్కశ కేళి
విసరిన వికృత విష వలయమ్మున విస్మృతి పొందిన విభవమిది
పండిన పాపము పండగ కేశవుడవతరించు సంకేతమిది
హాలహలమును అరాయించుకొను అమృత హృదయుల స్వర్గమిది     

|| యోగులు ||