ఉత్తిష్ఠత భరతసుతా ఉత్తిష్ఠత కార్యరతా
నవ భారత భూఖండము నాకముగా నొనరింపగ
గుండె తెరచి కండ కోసి వెన్నెముకల ధారవోసి
జపము చేసి జబ్బ చరిచి జాతి కొరకు జీవించుచు
విజయము సాధించినారు వీరులైన మన పూర్వులు
నీ శక్తికి శతృసేన నికరము భీతిల్లవలెను
నీ శీలము గని జగంబు నీ పదముల మ్రొక్కవలెను
నీ దీక్షతొ ఈ భారతి నిలుపవలెను నీతి పథము
నిదుర విడిచి ఉద్యమించు సుఖ లాలస తగదు వలదు
నింగి క్రుంగి పైబడినా నీరధి నీ పై పొంగిన
నీ ధైర్యము చెరుపలేవు నీ ప్రగతిని నిలుపలేవు
No comments:
Post a Comment